15 noyabr 2022-ci il tarixdə, Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsi və "Naxçıvan" Universitetinin birgə təşkilatçılığı ilə universitetin akt zalında "Yeni geosiyasi reallıqda Azərbaycan Respublikasının xarici siyasəti: regionda dayanıqlı sülh və inkişaf naminə əməkdaşlıq təşəbbüsləri" mövzusunda konfrans keçirilmişdir.

Konfransda Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi Vüsal Ələkbərli və "Naxçıvan" Universitetinin rektoru Nurlana Əliyeva açılış nitqi ilə çıxış edərək tədbir iştirakçılarına uğurlar arzulamışlar. Daha sonra İdarənin əməkdaşları Şahin Əhmədov və Taleh Nəzərlinin mühazirələri dinlənilmiş, sonda iştirakçıları maraqlandıran suallara aydınlıq gətirilmişdir.

Tədbirin sonunda konfrans iştirakçıları ilə xatirə şəkli çəkdirilmişdir.