27 sentyabr 2019-cu il tarixdə, İran İslam Respublikasının Naxçıvana yeni təyin olunmuş baş konsulu Seyid Əhməd Hüseyni ilə Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi cənab Vüsal Ələkbərli arasında tanışlıq görüşü keçirilmişdir.

İdarə rəisi baş konsulu yeni təyinatı münasibətilə təbrik etmiş və gələcək fəaliyyətində uğurlar arzulamışdır.

Səmimi qəbula görə minnətdarlığını ifadə edən baş konsul diplomatik fəaliyyəti dövründə ikitərəfli əlaqələrin möhkəmləndirilməsində səylərini əsirgəməyəcəyini diqqətə çatdırmışdır.

Görüşdə Naxçıvan Muxtar Respublikası ilə İran arasında qarşılıqlı maraq doğuran bir sıra məsələlər haqqında fikir mübadiləsi aparılmışdır.