07 noyabr 2019-cu il tarixdə Azərbaycan Respublikası Xarici İşlər Nazirliyinin Naxçıvan MR-dəki İdarəsinin rəisi Vüsal Ələkbərli Beynəlxalq Qırmızı Xaç Komitəsinin (BQXK) Azərbaycan Respublikasındakı Nümayəndəliyinin başçısı Elena Aymone Sessera ilə görüşmüşdür

İdarə rəisi qonağı salamlayaraq, onu muxtar respublikada üçüncü dəfə görməyə məmnun olduğunu bildirmişdir. Daha sonra V.Ələkbərli İdarənin strukturu və fəaliyyəti haqqında ətraflı məlumat vermişdir.

E.A.Sessera səmimi qəbula görə minnətdarlığını bildirmiş və səfərin təşkili ilə əlaqədar göstərilən köməkliyə görə təşəkkür etmişdir. O, 2020-ci ildə fəaliyyət müddətinin başa çatacağını qeyd etmiş, gələcəkdə yeni təyin olunacaq başçı ilə birgə səfər edəcəyini bildirmişdir.

Görüşdə Nümayəndəliyin təşkilatçılığı ilə Naxçıvan Dövlət Universitetində keçirilən mühazirələr, saxlanma yerlərinin vəziyyəti, eləcə də Metsamor atom elektrik stansiyası və qarşılıqlı maraq doğuran digər məsələlər haqqında fikir mübadiləsi aparılmışdır.