15 oktyabr 2018-ci il tarixdə, Türkiyə Respublikasının Naxçıvandakı yeni baş konsulu Mehmet Emin Kiraz ilə Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi Vüsal Ələkbərli arasında tanışlıq görüşü keçirilmişdir.

İdarə rəisi M.E.Kirazı yeni diplomatik təyinatı münasibətilə təbrik etmiş, ona fəaliyyətində uğurlar arzulamışdır. V.Ələkbərli baş konsulun Naxçıvan Muxtar Respublikası ilə Türkiyə arasında əlaqələrin daha da inkişaf etdirilməsinə töhvə verəcəyinə inamını ifadə etmişdir.

Baş konsul səmimi qəbula görə minnətdarlıq etmiş, muxtar respublikadakı diplomatik fəaliyyəti ərzində əlaqələrin mökhəmləndirilməsində səylərini əsirgəməyəcəyini diqqətə çatdırmışdır.

       Görüşdə bir sıra sahələrdə əməkdaşlığın dərinləşdirilməsi məsələləri müzakirə olunmuşdur.