23 oktyabr 2018-ci il tarixdə, İran İslam Respublikasının Naxçıvandakı baş konsulu Mənsur Ayrom ilə Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi Vüsal Ələkbərli arasında görüş keçirilmişdir.

İdarə rəisi fəaliyyəti müddətində M.Ayromun dövlətlər arasında münasibətlərin inkişafına töhfə verdiyinə görə ona təşəkkür etmiş və gələcək fəaliyyətində uğurlar arzulamışdır.

Diplomatik fəaliyyəti dövründə Naxçıvan Muxtar Respublikası Ali Məclisinin Sədri cənab Vasif Talıbov tərəfindən göstərilən dəstəyə və yaradılan şəraitə görə minnətdarlığını ifadə edən baş konsul, bundan sonra da ikitərəfli əlaqələrin möhkəmləndirilməsində səylərini əsirgəməyəcəyini diqqətə çatdırmışdır.

Görüşdə Naxçıvan Muxtar Respublikası ilə İran arasında bir sıra sahələrdə, xüsusilə iqtisadiyyat, təhsil və səhiyyə sahələrində əməkdaşlığın daha da genişləndirilməsi, idman sahəsində əlaqələrin inkişaf etdirilməsinin zəruriliyi müzakirə olunmuş, həyata keçirilən layihə və tədbirlərin mövcud vəziyyəti haqqında fikir mübadiləsi aparılmışdır.