12 noyabr 2018-ci il tarixdə, Norveç Krallığının ölkəmizdəki Səfirliyinin müvəqqəti işlər vəkili Olav-Nils Thue ilə Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi Vüsal Ələkbərli arasında görüş keçirilmişdir.

Vüsal Ələkbərli qonağı səmimi salamlayaraq, Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin Azərbaycan Respublikasının xarici siyasətinin muxtar respublikamızda həyata keçirilməsini təmin etdiyini bildirmişdir. İdarə rəisi Azərbaycan Respublikası-Norveç Krallığı əlaqələrindən bəhs etmiş, muxtar respublika ilə Norveç arasında bir sıra sahələrdə qarşılıqlı əlaqələrin qurulması üçün potensialın olduğunu qeyd etmişdir.

Səmimi görüşə, dolğun və maraqlı səfər proqramına görə təşəkkür edən qonaq Naxçıvandan xoş təəssüratlarla ayrıldığını bildirmişdir.